- Tíðindi, mentan og ítróttur
Nú eru 54.900 fólk í Føroyum
Nú eru 54.900 fólk í Føroyum
Fólkavøksturin seinasta árið var javnt býttur millum burðaravlop og nettoflyting, ávikavist 164 og 165 fólk
Fólkavøksturin var størstur í 2019, men síðani er hann minkaður niður í ein triðing av tí, hann var.
Mynd: Hagstovan
10.06.2025 - 09:57
1. mai búðu 54.903 fólk í Føroyum, skrivar Hagstovan.
Tað eru 329, 0,6 prosent, fleiri enn 1. mai í fjør.
Fólkavøksturin var størstur í 2019. Tað árið var hann 1,8 prosent størri enn árið fyri.
Síðan tá er fólkavøksturin støðugt minkaður niður í ein triðing.
Burðaravlop og nettoflyting
Fólkavøksturin seinasta árið var javnt býttur millum burðaravlop og nettoflyting, ávikavist 164 og 165 fólk.
Men burðaravlopið var størri enn í undanfarna tíðarskeiði.
Tí hóast nøkur fleiri doyðu, so vóru tað uppaftur fleiri børn, sum vóru fødd.
Nettoflytingin minkaði nakað.
Færri fluttu úr Føroyum, men uppaftur færri fluttu til Føroya.
Er kopiera
Nýggjastu sendingar í ÚV
Nýggjastu sendingar í SV
