Størri sjósíl og laksur

Sjósílini ella laksurin, sum vera fiskað, skulu skjótt vera í minsta lagi 10 sentrimetrar, ein triðing, longri enn nú.

Tað sigur ein broyting í kunngerðini um síla- og laksaveiðu, sum er til hoyringar.

Í kunngerðini stendur nú, at ikki er loyvt at veiða sjósíl ella laks, sum er undir 30 sentimetrar til longdar, mált frá tranti til ytsta enda av stertinum. 

Undirmátsfiskur skal alt fyri eitt sleppast út aftur, livandi, um tað er gjørligt.

Í broytingaruppskotinum eru 30 sentimetrar broyttir til 40 sentimetrar.