Temadagar í summar

Árini frá 2017 til 2022 var sendingin Nón send seinnapartar í útvarpinum. Týsdagar vóru settir av til temasendingar um alskyns evni, og í summar fara vit at hoyra onkrar av hesum tematýsdøgunum aftur.

Evnini vóru ógvuliga ymisk, onkuntíð vóru tey rættiliga aktuell og farið var so í dýpdina. Onnur evni vóru meiri tíðarleys, og tað eru hesir tematýsdagarnir, sum verða sendir aftur.

Evnini, vit hava valt burturúr rúgvuni, eru alt frá sendingum um alment dannilsi, eldhuga, einsemi, tað góða lívið, Flemmish Cap, um at gerast gamal, seinna kríggið og tað góða summarið.

Fyrsti tematýsdagurin verður sendur nú leygardagin, og tað er evnið “tað góða summarið”, og næstu ferð verður evnið alment dannilsi.

Ymisk fólk gjørdu tematýsdagarnar, men nøkur sum gingu aftur vóru Ingi Rasmussen, Gunnar Nolsø, Lív Mikkelsen og Leif Láadal.

Tematýsdagarnir í summar verða sendir leygardag klokkan 13 til 15.

Hoyr sendingina longu nú her