Enn eitt álit um útoyggjar

Nú er nýggja útoyggjaálitið hjá Løgmálaráðnum liðugt.

Í tí eru seks uppskot um málsetningar, sum politiska skipanin skal seta sær um tær átta útoyggjarnar.

Fyrst skal hon gera ein yvirskipaðan málsetning um at orða eina framtíðarhugsjón við breiðari politiskari semju um, hvønn lut útoyggjarnar skulu hava í samfelagnum næstu áratíggjuni.

Eitt nú má gerast av, sigur álitið, hvussu búføst fólk, summarhús, ferðavinna, landbúnaður ella eitt bland av øllum hesum, kunnu vera í útoyggj. 

Haraftrat eru málsetningar um samferðslu, búseting, undirstøðukervi, heilsutænastur og vinnuligar møguleikar.

Flestu avbjóðingarnar á útoyggj kunnu loysast, men tað krevur, at politiska skipanin raðfestir hetta fíggjarliga, stendur í álitinum hjá Løgmálaráðnum. 

Les álitið her.