Heilsuskaðiligur ostur og eitraðar rosinur

Tvær matvørur eru afturkallaðar í seinastuni.

Tær eru Thise Ravost, 200 gramm og Irma Øko Thompson Rosinur, 300 gramm.

Orsakirnar til afturkallingina eru metalpetti í ostinum, og ochratoxin A í rosinunum.

Heilsufrøðiliga starvsstovan sigur, at eingin akuttur vandi stendst av ov nógvum ochratoxin A.

Men sum frá líður kann evnið hava heilsuligan váða við sær.

Á heimasíðuni hjá Heilsufrøðiligu starvsstovu, hfs.fo, sæst júst, hvørjum vørum skal ansast eftir.