Føroyskt medaljuregn og fleiri met í svimjing

Ísak Brisenfeldt er einasti føroyski svimjari, sum hevur svomið 200 metrar firvald undir tveir minuttir, og tað gjørdi hann aftur í finaluni mánadagin við tíðini 1.59.42. Við tí tryggjaði hann Føroyum gullið. Tíðin var fáar hundrandapartar frá føroyska metinum, ið er 1.59.39, sum hann sjálvur eigur. Ísak Brisenfeldt vann eisini silvur í 200 metrum blandað. 

Í 1500 metrar frí hjá monnum vann Líggjas Joensen gull og Silas Dam Lindberg bronsu.

Nýggj føroysk met

Bartal E. Eidesgaard setti nýtt føroyskt met, tá hann vann silvur í finaluni í 100 metra bringu við tíðini 1.00.51. Undanfarna metið var 1.02.0. 

Lea Osberg Højsted tók føroyska metið í 50 metra bringu við tíðini 32.22. Hon gjørdist samstundis nummar trý í finaluni. 

Alisa Vestergaard vann silvur á 200 metra frí hjá kvinnum við tíðini 2.04.98. 

Elisabeth Erlendsdóttir, Lea Osberg Højsted, Jonna Joensen og Alisa Vestergaard blivu nummar trý í liðkappingini í 4 ferðir 50 metrar frí.