Reglurnar um fiskiskap á Føroyabanka skulu dagførast

Alt regluverkið fyri fiskiskapin á Føroyabanka skal eftirkannast og dagførast.

Tað boðar Fiskimálaráðið frá í ískoytispartinum av ólavsøkurøðu løgmans.

Føroyabanki varð latin uppaftur fyri vinnuligum fiskiskapi í 2022, og síðstu árini hava línuskip og útróðrarbátar havt loyvi at royna har í nakrar dagar. 

Sami leistur í ár

Í ár er fiskiskapurin á Føroyabanka skipaður eftir sama leisti sum í fjør. 

Men tørvur er á at kanna alt regluverkið aftur í sambandi við fiskiskapin á Føroyabanka.

Farið er undir hetta arbeiði, og ætlanin er at hava eina dagførda kunngerð til fiskiárið 2026, sigur Fiskimálaráðið í ískoytispartinum til ólavsøkurøðuna.