Dávid Reynheim úttikin til U21-landsliðið

Ólavur Mikkelsen, U21-landsliðsliðsvenjari, hevur úttikið landsliðið, sum skal spæla móti Íslandi og Luksemborg, ávikavist 4. septembur og 9. septembur. Báðir dystirnir eru á útivølli.

Venjarin hevur gjørt fýra broytingar frá seinast. Torkil Holm, TB, og HB spælararnir Ejvind Mouritsen og Heini Sørensen, eru tøkir eftir at hava verið skaddir, meðan 17 ára gamli Dávid Reynheim eisini hevur fingið U21-landsliðsboð. Áleyparin spælir í italska Torino.

Dávid Reynheim

Dávid Reynheim í dysti fyri HB

Frávaldir eru Jón í Horni Nielsen, Marius Nón, Silas Gaard og Bartal Páll Klein. U21-landsliðið hevur spælt ein dyst og tað var í Klaksvík móti Estlandi. Tá vann føroyska liðið 2-1. Ólavur Mikkelsen segði á tíðindafundinum, at serliga Ísland hevur ein góðan árgang í løtuni.

Málmenn

Rasmus Olsen, FC Suðuroy
Hans Jákup Arngrímsson, Víkingur

Verjuspælarar

Aron Reinert Hansen, B68
Jákup Vilhelmsen, B68
Ingi Arngrímsson, Víkingur
Virgar Jonsson, EB/Streymur
Bjarti Thorleifsson, Skála
Torkil Holm, TB
Jónas Prior, 07 Vestur

Miðvallarar

Jógvan Gullfoss, B36
Mattias Hellisdal, Vasteras SK (Svøriki)
Árni Nóa Atlason, Víkingur
Dávid B. Andreassen, KÍ Klaksvík
Heini Sørensen, HB Tórshavn
Ejvind Mouritsen, HB Tórshavn
Hanus Højgaard, B68
Áki Samuelsen, Ranheim (Noreg)

Áloparar

Jóhan Josephsen, B68
Aron Benjaminsen, Kristiansund (Noreg)
Dávid Reynheim, Torino (Italia)