Aðalkonsulát í Grønlandi fyrst næsta ár

Fráboðanin um at Frakland fer at lata upp aðalkonsulát, komu seinnapartin í dag, tá  franski uttanríkisráðharrin, Jean-Noel Barrot, hevði tíðindafund í Nuuk saman grønlendska uttanríkisráðharranum Vivian Motzfeldt.

Frakland hevur ikki havt umboð í Grønlandi áður.

Fráboðanin kemur ikki óvart á. Tá franski forsetin, Emmanuel Macron, vitjaði í Grønlandi í juni, segði hann, at Frakland fór at lata upp aðalkonsulát í Nuuk - tó uttan at áseta dagfesting.

Ætlanin við aðalkonsuátinum er millum annað  at "styrkja samstarvið millum londini", sigur Barrot.

Franski uttanríkisráðharrin Jean-Noel Barrot vitjar í hesum døgum í Grønlandi.

Tað ger hann fyri at vísa, at Frakland er til staðar,  ísambandi við hóttanir frá Trump um at yvirtaka Grønland.

Við síni vitjan í Grønlandi vísir franski uttanríkisráðharrin, Jean-Noel Barrot, "samhuga við Danmark, Grønlandi og grønlendska fólkið í sambandi við aktuellar avbjóðingar."

Tað sigur franska uttanríkisráðið í fráboðan sambært tíðindastovuni AFP.