Frítekst tagging:
- Tíðindi, mentan og ítróttur
Pauli vann og unglingi gjørdi vart við seg
Pauli vann og unglingi gjørdi vart við seg
Pauli Poulsen livdi upp til favorittleiklutin, tá hann vann føroyameistaraheitið í tíðarsúkkling um vikuskiftið, og ein blaðungur súkklari gjørdi veruliga vart við seg
Andrei Antal/SST
Jónas Gunnarsson vakti ans um vikuskiftið við einum gulli og einari bronsu í FM-súkklukappingum
08.09.2026 - 12:02
Pauli Poulsen livdi upp til favorittleiklutin, tá hann vann føroyameistaraheitið í tíðarsúkkling í Klaksvík sunnumorgunin.
Súkklarin úr Troy brúkti 21 minuttir og 28 sekund upp á 16 kilometra langa teinin, sum eisini skal súkklast á oyggjaleikunum næsta summar.
- Eg geri nógv við tíðarsúkkling, og tað er greinin, sum eg leggi mest orku í, so eg hevði vónað at vunnið í dag, segði Pauli Poulsen.
Pauli Poulsen vann tíðarsúkklingina á oyggjaleikateininum í Klaksvík sunnudagin, men leygardag mátti hann lúta fyri blaðunga Jónas Gunnarsson. (Mynd: Andrei Antal/SST)
Blaðungur súkklari vakti ans
Bergtór Tórsteinsson endaði ikki óvæntað á øðrum plássi, men tað vakti ans, at bert 14 ára gamli Jónas Gunnarsson fekk bronsuna.
Unglingin býr og kappast í Danmark við felagnum Velo CC, og var komin upp at kappast í báðum FM-kappingunum farna vikuskiftið.
Leygardagin gjørdi hann ikki mætari enn at vinna vegsúkklingina, sum var kring Skálafjørðin eftir spurt ímóti Paula Poulsen til mállinjuna.
- Tað var mega kul. Eg væntaði slett ikki, at eg fór at fáa triðja pláss, segði hann um tíðarsúkklingina.
- Tað eru nógv meiri brekkur her, nógv stuttligari at súkkla, tí tað er so slætt í Danmark, segði Jónas Gunnarsson, sum ætlar sær at kappast meir í Føroyum frameftir.
Er kopiera
Nýggjastu sendingar í ÚV
Nýggjastu sendingar í SV
