Handilin skal gera kynslívið hjá føroyingum meiri spennandi

Um vikuskiftið læt ein handil upp í Havn, sum er tann fyrsti fysiski av sínum slagi í Føroyum.

Freya leikur eitur hann, og hann leggur seg eftir at selja sex-leikur og aðrar viðkomandi vørur.

Barbara Krossteig, Silja Eystberg, Laura Edit Gunnváardóttir og Anna Sofía Andreasen reka Freya leikur, sum er á C. Pløyensgøtu.

- Vit eru allar so sera ymiskar, sigur Barbara Krossteig. - Men saman eru vit tað perfekta toymið.

Hóast hetta er eitt lítið samfelag, og øll kenna øll, so halda tær tað hava týdning, at tað er ein fysiskur handil, har til ber at síggja og nerta við vørurnar.