Húsaprísir: Útboðið fylgir ikki eftirspurninginum

Tað er vælkent, at føroyskir húsaprísir eru hækkaðir nógv seinastu árini. Tað framgongur eisini av heystfrágreiðingini hjá Búskaparráðnum, sum just er almannakunngjørd.

Miðalprísurin fyri eini sethús í Havn er komin upp á 4,2 milliónir krónur. Í størri og smærri bygdum er prísurin eisini hækkaður, og er nú ávikavist 2,5 og 2,2 milliónir krónur. Merkisvert er tó, at sethúsaprísirnir í Sandoy og Suðuroy, sum í hesum tølunum eru bólkað saman, eru munandi lægri, 1,3 milliónir krónur.

Í heystfrágreiðing síni sigur Búskaparráðið, at nógv hækkaði sethúsaprísurin seinastu árini mest sannlíkt stavar frá, at útboðið ikki hevur megnað at fylgt við eftirspurninginum. Ein orsøk er, at stóra nettotilflytingin hevur gjørt, at fleiri hava verið um boðið at keypa sethús. Aðrar orsakir kunnu vera trot á arbeiðsmegi í byggivinnuni, dýrkaður byggikostnaður og avmarkað útboð av byggilendi.

Grafur. Miðal sethúsaprísir, 2015-2025 1. hálvár

Búskaparráðið nevnir eisini, at fleiri almennar verkætlanir hava verið settar í verk í senn, sum hava avmarkað útboðið av nýbygging av bústøðum, sum hevur vaksið um eftirspurningin í byggivinnuni.

Bústaðartrotið er ein fløskuhálsur í føroyska búskapinum, sum Búskaparráðið metir vera neyðugt, at politiski myndugleikin tekur í álvara við at økja um útboðið av bústøðum.