- Tíðindi, mentan og ítróttur
Grindaformaður skelkaður av at Havnin ikki vildi hava grind

- Hetta kann fara at ávirka møguleikan hjá fólki í Havn at fáa grind frameftir.
Tað sigur Hanus Højgaard, grindaformaður í Havn, sum sigur seg vera skelkaðan um at hoyra, at Tórshavnar kommuna avgjørdi at siga nei takk til at fáa grind frá stóru grindini, sum legði beinini í Fuglafirði leygarkvøldið.
(Mynd: Fróði Ólason Olsen á Facebook)
Eins og hjá fleiri øðrum, er tað fallið Hanusi Højgaard fyri bróstið, at Tórshavnar kommuna ikki tók ímóti teimum 100 hvalunum, sum stóðu i boði. Hann spyr, um tað er borgarstjórin ella umsitingin í kommununi, sum stýrir
Hoyr innslag í útvarpstíðindunum:
- Tað er borgarstjórin og ikki umsitingin, sum stýrir í Havn.
Tað sigur borgarstjórin í Tórshavnar kommunu, Elsa Berg, sum tó ásannar, at tað kundi verið borið øðrvísi at leygarkvøldið, tá ið høvuðsstaðurin ikki tók móti fuglafjarðargrindini. Nú er ein grind funnin út fyri Syðraadali á Streymoynni, og Elsa Berg sigur, at tey eru vælkomin til Havnar við henni, um sýslumaðurin heldur, at tað er tað rætta at gera.
Hoyr samrøðu við Elsu Berg:


























