Sandship fær sítt sætta skip

Partafelagið Sandship hevur keypt farmaskipið Bonacieux úr Týsklandi.

Skipið verður yvirtikið fyrst í komandi ári.

Tað verður umbygt til sjálvlossara, sigur felagið í tíðindaskrivi. 

Ætlanin er, at skipið skal sigla við alifóðri til alivinnuna uttanlands.

Útlátið minkar 20 prosent

Framkomin tøkni ger, at CO2-útlátið minkar 20 prosent undir sigling, sigur felagið. 

Skipið er bygt í 2010 og tekur sløk 3.000 tons.

Hetta er sætta skipið hjá Sandship, sum eisini hevur sandsølu á Sundi og fóðurgoymslu á Toftum.

Tá nýggja skipið kemur í sigling, vera yvir 80 fólk í starvi hjá Sandship.