Marita søguligan sigur - Jana væluppløgd í grannauppgerð

Marita Mortensen var hóskvøldið við til at tryggja HØJ sín fyrsta sigur í bestu donsku hondbóltsdeildini eftir uppflytingina í fjør.

Føroyski bakkurin skeyt trý mál í 33-29 sigrinum á Sønderjyske frammanfyri 1500 heimaáskoðarum í Farum-høllini í Ølstykke og fær gott skoðsmál á heimasíðuni hjá felagnum.

Jana Mittún var ikki minni væl uppløgd í grannauppgerðini millum Viborg og Bjerringbro, sum tær grønu vunnu við heili 44 málum ímóti 35. Føroyski spælskiparin skeyt fýra mál, men legði upp til átta afturat.

Fýra dystir eru spældir í bestu donsku deildini, og Viborg er á 3. plássi við seks stigum, meðan HØJ er nummar 10 við tveimum stigum. 

Rakul Wardum og tær í Ringkøbing hava eisini vunnið tríggjar dystir higartil og liggja nummar seks. Verri stendur til hjá Mariu Pálsdóttir Nólsoy og Súnu Krossteig Hansen í ávíkavist Horsens HH og Skanderborg. Hjá teimum er einki stig komi á talvuna enn, og tey ligga næst- og triðaftast.