Føroyar varðveita kredittmetingina

Føroyar varðveita somu kredittmeting hjá Moody’s, sum var her í juni.

Styrkismetingin, ratingin, er Aa2, við støðugum útlitum.

Aa2 er triðja hægsta meting hjá Moody's. Ratingarlistin hevur 21 stig.

Onnur lond, sum hava hesa meting, eru Qatar, Sameindu emirríkini og Suðurkorea, skrivar Landsbankin.

Lættari at fáa lán

Hann sigur, at tað hevur týdning at fáa eina góða meting, tí fleiri íleggjarar vilja læna Føroyum pengar. 

Hon ávirkar eisini, hvørja rentu landskassin skal lata.

Landsbankin sigur, at samanumtikið er grundgevingin fyri ratingina Aa2 millum annað, at Føroyar hava fíggjarligt sjálvræði, góð rakstrarúrslit fyri løgur, stórt gjaldføri og lutfalsliga lítla skuld.