Vænta at hava javnvág í rakstrinum í ár

Partafelagið Eystur- og Sandoyartunlar hevur javnvág í rakstrinum í ár.

Tað sigur úrslitið í fyrra hálvári.

Og felagið fer væntandi eisini at hava javnvág næsta ár.

Sum frá líður ber væntandi til at lækka tunnilsgjaldið.

Men enn er ikki endaliga staðfest, um raksturin er í javnvág uttan ferðslustuðul, sum er sjey milliónir krónur. 

Eingin ferðslustuðul, men lítið veðhald

Í uppskotinum um fíggjarlóg fyri 2026 er eingin ferðslustuðul. 

Tað sigur Aksel V. Johannesen, løgmaður, í svari til Jaspur Langgaard, løgtingsmann fyri Sambandsflokkin, sum spurdi um tunnilsgjaldið og um lanskassaveðhaldið í tunlunum.

Í ár eru játtaðar 12 mió. kr. til veðhald.

Felagið brúkar tríggjar milliónir og 440.000 kr. í ár.

Fyri at vera varin er ein millión krónur sett av til veðhald næsta ár.

Ætlanin er at lækka tunnilsgjøldini, tá felagið hevur avlop, sigur løgmaður. 

Sum støðan er nú, verður tað í 2027 ella í 2028.