Trupul byrjan í EM-kappingini í talvi

Trupul byrjan í EM-kappingini í talvi
Føroyska liðið tapti 3 1/2 - 1/2 fyri Kroatia í gjár
Martin Poulsen, høgrumegin á myndini, telvaði remis og vann Føroyum eitt hálvt stig móti sterka kroatiska landsliðnum.
 
06.10.2025 - 08:56

Føroyska talvlandsliðið fekk eina júst so trupla byrjan sum fryktað varð fyri, tá liðið í gjár setti hol á EM-kappingina, sum verður hildin í georgiska býnum Batumi í hesum døgum.

Føroyingar telvaðu ímóti Kroatia, sum er styrkimett sum nummar 16 av teimum 40 londunum, og meðan okkara lið er styrkimett sum nummar 36, og tað kom eisini til sjóndar í talvunum, sum endaðu 3 1/2 - 1/2.

 

Martin Poulsen eitt hálvt stig

Høgni Egilstoft Nielsen, Luitjen A. Apol og Rógvi Egilstoft taptu allir á 1., 2. og 3. borði, og tað var bara Martin Poulsen, sum kláraði at hála eitt hálvt stig heim á 4. borði, so tað ikki gjørdist til eitt 4-0 tap.

Verður hugt eftir tølunum, er munurin sjónligur. Miðal ratingtalið hjá kroatunum er 2.551, og miðal ratingtalið hjá føroyingum er 2.322.

Mest óvæntaða úrslitið í fyrsta umfari var, at Danmark vann 2 1/2 - 1 1/2 á Týsklandi, sum er styrkimett sum nummar eitt í kappingini. Danir eru styrkimettir sum nummar 21.

Annað umfar í Batumi verður telvað seinnapartin í dag, og tá telva føroyingar móti Litava, sum í fyrsta umfari tapti móti Armenia við 1 1/2 stigi móti 2 1/2 stigi.

Er kopiera
Nýggjastu sendingar í ÚV
Týsdag 17. november
Vitan
216375
Týsdag 17. november
Vitan
216297
Mánadag 16. november
Norðurljóð 16.november 2026
215027
Nýggjastu sendingar í SV
Týsdag 17. november
Veðrið
216565
Týsdag 17. november
Dagur og vika við 3-2 - teknmálstulkað
216520
Mánadag 16. november
Veðrið
216486
Mánadag 16. november
Bygdarliv 4 – Eiði
216470
Sunnudag 15. november
Møti hjá Brøðrasamkomuni.
216442

Annað frá KVF