Hava stovnað áhugafelag fyri friði

Áhugafelagið Føroyingar fyri friði er nú stovnað.

20 fólk vóru á stovnandi aðalfundinum sunnudagin.

Henrik Weihe Joensen er formaður í felagnum og Ken Lindenskov Olsen næstformaður.

Ólavur Weihe Joensen er skrivari.

Hini í nevndini eru Friðrika Mortensen Kristiansen og Petur Asano.

Grundarlag í friðartiltøkum

Føroyingar fyri friði hevur sítt grundarlag í friðartiltøkum, sum hava verið seinasta árið.

Tey eru friðargonga, friðarkonsert og friðarráðstevna.

Felagið skal virka fyri friði millum fólk, fólkasløg og heimsins lond, vápnaavdubbing og størri skilningi fyri ymiskum mentanum, mannarættindum og javnstøðu.

Og felagið skal virka fyri diplomatiskum loysnum, siga Føroyingar fyri friði í tíðindaskrivi.