Gevast at framleiða Nøtte - 42 prosent endaðu í Føroyum

42 prosent av allari framleiðsluni av Nøtte í fjør endaðu í Føroyum.

Tað upplýsir Kristoffer Barbøl Vikebak, samskiftisleiðari í Orkla Foods í Noregi.

- Í fjør framleiddu vit 100.000 dósir av Nøtte, og av teimum endaðu 42.000 í Føroyum, sigur samskiftisleiðarin.

Kristoffer Videbak

Kristoffer Barbøl Vikebak. (Mynd Orkla)

Bæði í Miklagarði og í Á-handlinum á Hálsi hava tey merkt størri áhuga millum kundarnar at keypa Nøtte, nú framleiðslan er endað.

Eisini kundar harmast, at framleiðslan av Nøtte nú er endað. Irena Áarberg hevur gjøgnum allan sín uppvøkstur kent til Nøtte, og hon heldur, at framleiðsla av Nøtte kundi verið í Føroyum, tí føroyingar keypa so nógv Nøtte.

Nøtte hevur verið framleitt síðan 1964, men fyri einum mánaði síðan boðaði Orkla Foods í Norra frá, at nú endar framleiðslan av Nøtte vegna vánalig sølutøl, men føroyingar hava verið trúgvir kundar. 

Umframt vánalig sølutøl, so vóru maskinurnar, sum framleiddu Nøtte, nú vorðnar so mikið gamlar, at tær kravdu nógv viðlíkahald, sigur Kristoffer Barbøl Vikebak.

Hoyr innslag í útvarpstíðindunum:

Á seinasta framleiðsludegnum av Nøtte og Sunda, tók Orkla Foods hesa myndina, har tveir maskinmenn arbeiða upp á gomlu maskinurnar, tí tær kravdu so nógv viðlíkahald:

Nøtte og Sunda

Caption: 

Mynd: Orkla Foods í Norra