Landsstýrið tekur upp málið um rúsevnismisnýtslu við sproytum

Tað ber í dag til hjá rúsevnismisnýtarum, at keypa sær útgerð at fiksa við á apotekinum.

Sproytur og nálir verða seld í posum, sum kosta fjøruti krónur.

Men tað hava verið nakrar óhepnar støður á serliga apotekinum í Steinatúni, og tað hevur fingið landsstýriskvinnuna í heilsumálum, Súsannu Bertholdsen, at taka málið upp.

- Eg havi verið á fundi við Landsapotekaran, og vit ætla at kanna hvussu liggur fyri at útflýggjað nálir og tað ymiska tilfarið ókeypis. Vit kanna eisini hvussu tey gera í Íslandi.

Hon leggur afturat, at gransking vísir á, at ókeypis útflýggjan ikki elvir til økta misnýtslu, og tí er umráðandi at tey ið hava avbjóðingar við hesum slagnum av misnýtslu, skulu hava tryggar og reinar umstøður.

Hesum greiðir hon frá í tíðindunum: