USA gjørt avtalu við Japan um sjáldsom jarðmetal

Amerikanski forsetin, Donald Trump, hevur í sambandi við vitjan í Japan skrivað undir avtalu um at tryggja útboðið av sjáldsomum jarðmetalum.

Trump hitti Sanae Takaichi, sum fyri stuttum varð vald til fyrsta kvinnuliga forsætisráðharra í Japan, í Tokyo. 

Londini bæði skrivaðu undir rammuavtalu um at tryggja veitingina av týdningarmiklum og sjáldsomum jarðmetalum.

Hugtakið 'sjáldsom jarðmetal' verður brúkt til at lýsa 17 evni, sum øll eru metal. 

15 frumevni

Tey fevna um 15 sokallað lantanid, ella frumevni, sum liggja frá nummar 57 til nummar 71 í periodisku talvuni - umframt scandium og yttrium, og hava øll týdning í framleiðsluni av elbilum, fartelefonum, vindmyllum og nógvum øðrum elektroniskum vørum.

Tað er tilfeingiskrevjandi at útvinna hesi metal, og Kina er nógv størsti framleiðarin í heiminum.

Sterkasti sameindi

Trump segði eisini, at USA er sterkasti sameindi hjá Japan.

- Vit eru sameind á sterkasta stigi, og tað er stórur heiður, serliga so tíðliga, at vera saman við tær, sum eg vænti verður ein av mætastu forsætisráðharrunum, segði Trump við japanska forsætisráðharran..

Takaichi fer eisini at tilnevna Trump til friðarheiðursløn Nobels, skriva Hvítu húsini.