Sunleiv fingið fyrsta heiðurstekin í tilbúgvingini

- Hetta er ein stórur heiður, og eg eri ólukksáliga takksamur.

Soleiðis sigur Sunleiv Højgaard, leiðari í Skálafjarðar Sløkkiliði, sum fríggjadagin var tann fyrsti at fáa heiðurstekin fyri síni skjótt 41 ár í tilbúgvingini.

Heiðurstekinið hevur stóran týdning fyri sløkkiliðsleiðaran.

- Tað hevur týdning fyri meg, tí tað er ein viðurkenning av, at mann hevur verið í tilbúgvingini og eisini kanska hevur roynt at ávirka rætta vegin, sigur Sunleiv Højgaard.

Í morgunsendingini hyggur hann aftur á tey skjótt 41 árini, hann hevur verið partur av tilbúgvingini, og fortelur um minniligar hendingar.