Ein rúgva av viðmerkingum og átalum

Løgtingsgrannskoðararnir hava 44 viðmerkingar, átalur og áheitanir um at fáa viðurskifti í rættlag í uppskotinum til samtyktar um, at løgtingið góðkennir landsroknskapin fyri 2024.

Hetta eru eisini viðurskifti, sum Landsgrannskoðanin og privatir grannskoðarar leggja dent á.

Fyri at nevna eitt mál, sum javnan er frammi, vísa løgtingsgrannskoðararnir á, at løgtingið bað í 2023 landsstýrið um frágreiðing um almennar byggiverkætlanir.

Frágreiðingin skuldi siga, hvørjar reglur kunnu tryggja greiða leiðslu, ábyrgd og útinning.

Løgtingsgrannskoðararnir gjørdu eisini vart við hetta í apríl 2014.

Landsstýrið er ikki enn komið við frágreiðingini.

Løgtingsgrannskoðararnir minna tí enn eina ferð á, at tað er átrokandi at hava greiðar reglur og mæla staðiliga til, at tær vera gjørdar