Miða eftir at samráðast við russar síðst í mánaðinum

Landsstýrið hevur ikki enn boðið Russlandi til samráðingar um fiskiveiðisáttmála fyri næsta ár. 

- Enn eru fleiri óvissur at fáa greiði á, sigur Jóhan Christiansen, landsstýrismaður, sum tó miðar ímóti at fara til samráðingar síðst í november.

Naggatódn er í samráðingunum millum Noreg og Russland um fiskiskap í Barentshavinum, m.a. tí Noreg hevur sett revsitiltøk í verk móti Russlandi. Eitt nú verða reiðaríini Murman Seafood og Norebo útihýst at fiska í norskum sjógvi frá nýggjárinum at rokna. 

Lógaruppskotið um víðkaðar revsiheimildir móti Russlandi - sum millum annað skal geva landsstýrinum heimild at útihýsa Murman Seafood og Norebo frá at fiska í føroyskum sjógvi - liggur enn í Uttanlandsnevndini.

Hoyr innslag í útvarpstíðindunum: