Nýggja málsøkjabýtið er nú kunngjørt

Aksel V. Johannesen, løgmaður, hevur lýst kunngerð um málsøkjabýti í landsstýrinum eftir 1. desember, tá aðalráðini fara úr níggju niður í seks.

Umframt løgmann fara hesi at manna landsstýrið: 

Sirið Stenberg í Tjóðveldi verður landsstýriskvinna í uttanríkis- og mentamálum, og hon verður eisini varaløgkvinna. 

Ruth Vang í Framsókn heldur fram sum landsstýriskvinna í fíggjarmálum. 

Landsstýrið 2022/23, landsstýrisfundur

Hesi mannaðu landsstýrið, tá tað var skipað eftir valið í desember 2022. (Mynd: Bjarni Árting Rubeksen)

Margit Stórá í Javnaðarflokkinum verður landsstýriskvinna í almanna- og heilsumálum.

Súsanna Bertholdsen í Javnaðarflokkinum verður landsstýriskvinna í barna- og útbúgvingarmálum, og Eirikur í Jákupsstovu í Tjóðveldi verður landsstýrismaður í tilfeingis- og vinnumálum. 

Les meira her. 

Jóhan Christiansen, Djóni Nolsøe Joensen og Bjarni Kárason Petersen fara úr landsstýrinum. 

Djóni Nolsøe Joensen og Bjarni Kárason Petersen taka aftur sæti á tingi.