Eldsbrunin í Hongkong hevur higartil kravt 159 mannalív

Løgreglan í Hongkong sigur í dag, at hon hevur kannað íbúðarbygningarnar, sum brunnu í grund, innan. 

Sjey íbúðarbygningar brunnu í grund í farnu viku, og higartil hava 159 fólk latið lív. 31 fólk eru ikki komin afturíaftur, sigur løgreglan við Reuters.

Hon sigur, at leiting verður sett í verk eftir deyðum, sum kunnu liggja í húsaleivdunum.

Seks fólk handtikin aftrat

Seks fólk eru handtikin aftrat í málinum. Tilsamans eru nú 21 fólk handtikin, undir illgruna fyri óviljað manndráp.

Løgreglan sigur, at eldurin kyknaði í sambandi við pussi-arbeiði, har ásetingar um brunatrygd ikki vóru fylgdar. 

Íbúðarbygningarnir vóru m.a. klæddir við stórum plastneti, og byggipallarnir vóru úr bambus.