Onkur fiskar

Onkur bátur og okkurt skip eru til fiskiskap í hesum døgum.

Fiskamarnaðurin sigur, at ein línubátur er á Føroyabanka.

Hann avreiðir síðst í vikuni.

Ein útróðrarbátur er eisini á Føroyabanka, og onkur er á landgrunninum.

Streymurin er brúkiligur. Veðrið verður hampiligt fyrst í vikuni, men versnar sum vikan gongur. 

Tveir trolbátar eru á Skeivabanka og fiska havtasku. 

Tvey garnaskip fiska svartkalva og hava brúkiligt. Bæði avreiða í vikuni. 

Hini botnfiskaskipini liggja.