Littler fór avstað við sigrinum

18 ára gamli Luke Littler úr Bretlandi vann sannførandi 7-1 í endadystinum í dart í gjár ímóti 23 ára gamla hollendska Gian van Veen.

Fyri aðru ferð á rað fer bretski Littler avstað við heimsmeistaraskapinum í dart.

Seinasti dartspælarin, sum vann annað árið á rað var Gary Anderson, sum vann í 2015 og 2016, skrivar danska TV2.

Littler legst sostatt afturat hópinum við Phil Taylor, Adrian Lewis og Gary Anderson, sum hava vunnið HM í dart meira enn eina ferð á rað, skrivar the Guardian. 

Nakað skal til afturat, áðrenn Littler megnar at yvirhála Phil Taylor, sum hevur vunnið HM í dart 16 ferð.

Men 18 ára gamli Littler vísir ikki aftur, at hann fer eftir málinum:

- Eg havi enn 14 ár eftir. 15-16 ár afturat vil eg siga. Um tað hendir, so hendir tað. Eg ætli mær at halda fram í langa tíð. Og eg ætli fyri at vinna, sigur Luke Littler við the Guardian.

Luke Littler var bara sekstan ára gamal, tá spældi sín fyrsta dyst í heimsmeistaraskapinum í dart í 2024, og endaði á øðrum plássi ímóti Luke Humphries í endadystinum.