Umhvørvisstovan fær átalu fyri handfaringina av tveimum málum

Løgtingsins umboðsmaður gevur Umhvørvisstovuni átalu fyri handfaringina av tveimum málum.

Umboðsmaðurin hevur viðgjørt tvær klagur um málsviðgerðartíð og vantandi svar frá Umhvørvisstovuni í sambandi við inngangandi teldupostar í tveimum ymiskum málum um ávikavist sundurbýting og samanlegging av matriklum og mvg-afturbering í sambandi við skifti av hitapumpu.

Annað málið hevði verið virkið í meira enn tvey ár, og hitt í sjey og ein hálvan mánað, og borgararnir høvdu ikki fingið svar, tá teir í fleiri umførum mintu Umhvørvisstovuna á málið.

Hanna Vang, Løgtngsins umboðsmaður

Frítekst tagging: 

hanna vang

Løgtngsins umboðsmaður

Bjarni Árting Rubeksen

Hanna Vang er Løgtingsins umboðsmaður. (Mynd: Bjarni Árting Rubeksen)

Í øðrum málinum vísti Umhvørvisstovan á, at drúgva málsviðgerðartíðin og vantandi svarið skyldaðist broyting av journalskipanini í januar 2024, sum hevði við sær, at mál, sum ikki vóru endað, skuldu stovnast av nýggjum, og at málsviðgeri av misgáum ikki varð settur á hesi mál.

Umhvørvisstovan vísti í hinum málinum á, at drúgva málsviðgerðartíðin og vantandi svarið skyldaðist, at málið var dottið niðurímillum.

Umboðsmaðurin gevur samanumtikið Umhvørvisstovuni eina átalu fyri handfaringina av teimum báðum málunum, fyri ikki innan rímiliga tíð at hava fylgt upp í málunum og svarað borgarunum umframt ikki nøktandi skjalføring.