Nýggjur ráðgevi um lekar

Landsverk hevur fingið sær annan ráðgeva til H-bygningin hjá Landssjúkrahúsinum.

Tað sigur Margit Stórá, landsstýriskvinna, í skrivi til fíggjarnevndina.

Á fundi millum landsstýriskvinnuna, Landsverk og fíggjarnevndina 11. desember kunnaði landsstýriskvinna um møguliga áhugaósemju í sambandi við ráðgeving um at tetta lekar í H-bygninginum. 

Landsverk hevur viðgjørt málið og hevur greitt landsstýriskvinnuni frá, at hóast ráðgevingin ikki sjálv metti, at talan er um áhugaósemju, so er týdningarmikið, at eingin ivi kann vera um óhefta ráðgeving í sambandi við umvælingarnar í H-bygninginum.

Tí hevur Landsverk avgjørt at velja annan ráðgeva.

Avgerðin er tikin fyri at tryggja óhefta ráðgeving og fyri at forða fyri, at møgulig áhugaósemja -verulig ella uppfatað - kann gera, at ivi er um arbeiðið ella avgerðir um tað.

Almanna- og heilsumálaráðið er samt við Landsverk, sigur Margit Stórá.

Upplýst verður ikki, hvør nýggi ráðgevin er. ella verður