Íslendingar bestir í Janus Open

Íslendingar vóru fremstur í Janus Open á Eiði um vikuskiftið. 

Símun Þórhallsson vann kappingina við 7 stigum av 8, meðan Dagur Ragnarsson gjørdist nummar tvey við 6½ stigi.

Føroyameistarin Høgni Egilstoft Nielsen, sum hevði hægsta styrkitalið av øllum, endaði nummar trý við sama stigatali sum Dagur Ragnarsson, Luitjen Akselsson Apol og Jón Kristinn Thorgeirsson. 

Ikki færri enn 135 telvarar hava verið við í kappingini í Kolshøll á Eiði hetta vikuskiftið, og tað er met.

Kappingin savnaði telvarar í øllum aldri og úr fleiri londum, og nógv bendir á, at Janus Open er komin fyri at vera, skrivar Talvsambandið.