ES skundfundur um revsitoll

Sendiharrarnir úr øllum 27 ES londunum hittast í dag at umrøða revsitollin, sum Donald Trump ætlar at leggja á lond, sum ikki stuðla USA í at yvirtaka Grønland. Tað skrivar bretski miðilin, The Independent. 

Sambært amerikanska forsetanum Donaldi Trump verður tollur á 10% lagdur á vørur úr Danmark, Noreg, Svøríki, Frankaríki, Týsklandi, Stóra Bretlandi, Hollandi og Finlandi. Tollásetingin kemur, sambært forsetanum, í gildi 1. februar í ár. Hetta skrivaði Trump á Truth Social í gjár.

Frá 1 februar 2016 verður tollur á 10% lagdur á allar vørur úr Danmark, Noreg, Svøríki, Frakland, Týskland, Stóra Bretland, Holland og Finland, sum verða sendar til USA. Donald Trump á Truth Social. 

Aftursvar er komið úr øllum átta londunum, sum Trump hóttir við revsitolli.

Lars Løkke Rasmussen, danski uttanríkisráðharrin sigur sambært Ritzau, at Danmark samstarvar tætt við ES í málinum. Hann sigur eisini, at hóttanin frá amerikanska forsetanum kemur óvart á hann, tí endamálið við meiri hermegi í Grønlandi er at økja um trygdina í Arktis, eins og amerikanski forsetin hevur víst á áður. Danska uttanríkismálaráðið boðar eisini frá í tíðindaskrivi í dag, at danski uttanríkisráðharrin fer at vitja uttanríkisráðharrarnar í Noregi, Stóra Bretlandi og Svøríki komandi dagarnar at umrøða trydgdina í Arktis. 

Trusler hører ikke hjemme blant allierte. Norges standpunkt står fast: Grønland er en del av Kongeriket Danmark. Norge står fullt og helt bak Kongeriket Danmarks suverenitet. Det er bred enighet i Nato om behovet for å styrke sikkerheten i Arktis, inkludert på Grønland.

— Jonas Gahr Støre (@jonasgahrstore) January 17, 2026

Norski forsætisráðharrin Jonas Gahr Støre sigur, at 'hóttanir ikki hoyra heima millum sameind lond.' 

Vi låter oss inte utpressas. Bara Danmark och Grönland bestämmer i frågor som rör Danmark och Grönland. Jag kommer alltid stå upp för mitt land, och för våra allierade grannar. Detta är en EU-fråga som rör många fler länder än de som nu pekas ut. Sverige har nu intensiva…

— Ulf Kristersson (@SwedishPM) January 17, 2026

Eisini Ulf Kristersson, svenski forsætismálaráðharrin vísir Danmark og Grønland sín stuðul. 

Franski forsetin Emmanuel Macron skrivar á X, at mann ikki fer at lata seg ávirka av hóttanum, og at revsitollur ikki kann góðtakast. 

Keir Starmer

Caption: 

Mynd: Leon Neal/Reuters/Ritzau Scanpix

Forsætisráðharrin í Stóra Bretlandi, Keir Starmer, sigur við BBC, at tað er “púra skeivt” at áseta revsitoll á sameind lond.

Finland utgår ifrån att frågor mellan allierade ska lösas genom diskussion och gemensamma spelregler, inte genom påtryckningar.

Att stärka den arktiska säkerheten tillsammans med de allierade är viktigt för Finland. Detta är också målet för den verksamhet på Grönland som leds…

— Alexander Stubb (@alexstubb) January 17, 2026

Alexander Stubb, finski forsætisráðharrin leggur dent á samstarv millum sameind heldur enn hóttanir. 

Úr Týsklandi og Hollandi ljóðar at tey taka hóttanirnar til eftirtektar og og samráðast nú við sameind lond í Evropa. 

ES fundurin byrjar klokkan 16 føroyska tíð.