Trump mannar friðarráð fyri Gasa

Amerikanski forsetin, Donald Trump, hevur mangt og hvat á skránni undir búskapartoppfundinum í Davos í Sveis.

Í morgun hevur hann kunngjørt friðarráðið, sum skal standa fyri at endurbyggja Gasageiran og tryggja frið har.

DR skrivar, at funnist hevur verið at amerikanska forsetanum fyri, ráðið skal vera kappingarneyti hjá ST.

Umleið 60 lond eru boðin við vera í friðarráðnum hjá Trump. Ein røð av londum hava tikið av innbjóðingini, og vóru fyrr í dag til hátíðarhald í Davos.

Millum leiðararnar, sum eru við, eru ungarski forsætisráðharrin, Viktor Orbán, og argentinski forsetin, Javier Milei.

Lond sum Noreg, Svøríki, Frakland og Slovenia hava ikki tikið av innbjóðingini, meðan Danmark onga innbjóðing hevur fingið. 

Nógvir aðrir leiðarar hava fingið í boði at vera við, men hava ikki gjørt av, um teir skulu vera við í friðarráðnum fyri Gasa.

Teirra millum eru russiski forsetin, Vladimir Putin, kinesiski forsetin, Xi Jinping, og Leo pávi.