Tosa við húsaeigarar, áðrenn tænastugjald verður lagt á

Fleiri kommunur hava gjørt av leggja tænastugjald á hús og býli, har eingin býr. Gjaldið kann í mesta lagi vera 7.945 krónur um árið.

Í Vági verður ein annar leistur brúktur.

Býráðið fer fyrst at tosa við húsaeigarar fyri at finna út av, um tey vilja leiga út, ella selja síni tómu húsini.

Í Vágs kommunu standa 111 hús tóm.

Nes kommuna hevur samtykt at áleggja tænastugjald fyri tóm hús. Umleið 10 hús í kommununi standa tóm.

Hoyr innslag í útvarpstíðindunum:

Tórshavnar, Tvøroyrar, Vága, Skopunar, Hvalbiar, Sunda og Eiðis kommuna hava samtykt at taka tænastugjald fyri tóm býli.