Gamlar lógir strikaðar

Endamálið er at gera lógarverkið einfaldari hjá fólki og myndugleikum.

Tí hevur Fíggjarmálaráðið gjørt uppskot um at seta úr gildi fimm gamlar lógir um hagtøl, sum ikki er brúk fyri longur.

Antin eru nýggjar lógir komnar, ella hevur lógin rokkið sínum endamáli, sigur Fíggjarmálaráðið.

Nýggjar føroyskar lógir eru komnar í staðin fyri gamlar danskar. 

Elsta lógin, sum nú skal strikast, er frá 1920.

Hinar eru frá 1933, 1950, 1975 og 2011.