Veteranar mótmæla

Danska Veteranfelagið skipar í dag fyri mótmælisgongu í Keypmannahavn, eftir at amerikanski forsetin hevur úttalað seg forhánisliga móti NATO-hermonnum.

Donald Trump hevur sagt, at USA ongantíð hevur havt brúk fyri NATO-hermonnum og at teir, sum vóru við í Afghanistan, ikki hildu seg framat á hermótinum. 

Føroyskir veteranar hava eisini verið í krígnum, og eru til staðar til mótmælisgonguna í dag.

Eisini í Nuuk verður mótmælisgonga frammanfyri amerikansku sendistovuni og har eru føroyskir veteranar eisini við.

Her fara tey møttu at halda tøgn í fimm minuttir. Ein minutt tøgn fyri herin, ein minutt tøgn fyri flogverjuna, ein minutt tøgn fyri sjóverjuna, ein minutt tøgn fyri Neyðhjálparstovuna og ein minutt tøgn fyri løgregluna. Tað skrivar DR. 

Bæði í Keypmannahavn og í Nuuk byrja mótmælisgongurnar klokkan 13 lokala tíð.