44 prosent í fiskavirkisskipanini eru ikki danskir ríkisborgarar

Næstan helvtin av teimum, sum eru í fiskavirkisskipanini hjá ALS, eru ikki danskir ríkisborgarar.

Tey eru 44 prosent.

Í fjør vóru 1464 fólk knýtt at fiskavirkisskipanini.

Í løtuni eru 985 fólk í skipanini, og av hesum eru 437 ikki danskir ríkisborgarar.

Tað sigur Sirið Stenberg, landsstýriskvinna, í svari til Bárð á Lakjuni, løgtingsmann.

Í vanligu arbeiðsloysisskipanini eru 22 fólk, sum ikki eru danskir ríkisborgarar.

Talan er um aðrar norðurlendingar, flóttafólk úr Ukraina og fólk, sum hava varandi uppihaldsloyvi í Føroyum. 

Les alt svarið her.