Tvey dømd 10 mánaðir fyri at smugla 4,7 kilo av hassji til Føroya

Tvey fólk, ein 32 ára gomul kvinna og ein 39 ára gamal maður, bæði úr Danmark, fingu í dag 10 mánaðar treytaleysa fongsulsrevsing fyri at hava smuglað 4,7 kilo av hassji til Føroya.

Tað var 2. desember í fjør, at tey komu til Føroya við Norrønu. Hassjið var goymt í eykahjólinum á bilinum, sum kvinnan koyrdi. Tey vórðu tikin av tollvaldinum, tá tey koyrdu í land.

Tey sótu á ákærubonkinum, ákærd fyri saman, ella í samráði við ókendar persónar í Danmark og Føroyum, at hava smuglað nøgdina av hassji til Føroya.

Kvinnan játtaði seg seka, meðan maðurin noktaði seg sekan.

Ákærin, Turid Guðrunardóttir, var væl nøgd við dómin hjá Føroya Rætti, meðan verjin hjá kvinnuni, sum var Jógvan Páll Lassen, ikki var nøgdur við dómin.

Hoyr innslagið í tíðindunum: