Framvegis lítið arbeiðsloysi

Arbeiðsloysið í Føroyum er framvegis lítið.

Tað var eitt prosent í januar, 0,1 prosentstig minni enn í januar í fjør.

Í januar vóru 345 fólk arbeiðsleys, 47 færri enn í januar í fjør.

Fleiri menn enn kvinnur eru arbeiðsleysir.

214 menn vóru arbeiðsleysir og 131 kvinnur í januar, skrivar Hagstovan. 

Størsta arbeiðsloysið í januar var hjá teimum 25 til 34 ára gomlu.

Í januar vóru 45 fólk langtíðararbeiðsleys. Tey hava verið arbeiðsleys í meira enn eitt ár.