Føroyskt badminton góð úrslit í danskari kapping

Fleiri góð úrslit komu til høldar, tá ein hópur av føroyskum badmintonleikarum kappaðust í Odense um vikuskiftið.

Í M-deildini, sum er ovasta deildin undir elitudeildini, komu tvey føroysk pør í hálvfinalurnar. Í tvímansleiki taptu Miriam í Grótinum og Bjarnhild í Buð Justinussen 2-1, og í blandaðum tvímansleiki taptu Miriam í Grótinum og Rúni Øster við tveimum settum ímóti ongum.

Miriam í Grótinum spældi seg í fjórðingsfinaluna í einmansleiki, og Rúni Øster og Magnus Dal-Christiansen og Sanna og Mia Thorkildshøj rukku eisini fjórðingsfinalunum í tvímansleiki.

Í A-deildini, sum er deildin beint undir M-deildini, gjørdu Ranja Joensen og Oddbjørg í Buð Justinussen bart í tvímansleiki og vunnu gull við 2-1 sigri í finaluni. Tær taptu 25-23 í fyrsta setti, men vunnu síðan trygt 21-14 og 21-16.