Tiknir fyri at kasta egg eftir koyrandi bilum

Politiið tók í gjár okkurt um tíggju dreingir í Saltangará, sum skulu hava kastað egg eftir koyrandi bilum.

Dreingirnir eru 14-15 ára gamlir.

Politiið hevur eisini tosað við foreldrini, og tá slík mál vera viðgjørd, eru sosialir myndugleikar altíð við.

Eysturoyarportalurin skrivar, at hesar dreingjalótir hava gjørt, at ungdómshúsið Gula smiðja læt aftur.

Avgerð var tikin um fyribils at lata aftur, við atliti at starvsfólki, grannum og hinum, sum brúka húsið.