Politiið fær fleiri mál um vikuna um lokking á netinum

Politiið í Føroyum fær fimm til sjey NCMEC-mál um vikuna. Løgreglan metir vanliga, at eitt til trý av hesum málum kunnu vísa seg at vera revsiverd.

Tað sigur Kári Jacobsen, leiðari á kanningardeildini hjá løgregluni.

NCMEC-mál eru mál um børn, sum kunnu hava verið fyri kynsligum ágangi á netinum.

Politiið veit um dømi, har børn heilt niður níggju ár hava verið fyri grooming ella lokking.

Eisini eru dømi um, at bara 19 minuttir eru gignir frá at lokkingin á netinum er byrjað til mynd er send.

Kári Jacobsen

Trupulleikin veksur

Kári Jacobsen hevur ta fatan, at trupulleikin er vaksandi.

Samstarvið við NCMEC hevur vart í nøkur ár, og tað hevur givið eina mynd av, hvussu stórur trupulleikin í veruleikanum er. Hóast politiið roynir at gera fyribyrgjandi arbeiði við at vitja skúlar og annað, bendir einki á, at tað gongur rættan veg, kanska tvørturímóti.

Besti máti at koma trupulleikanum til lívs er við fyribyrging, sigur leiðarin á kanningardeildini.

Hoyr innslag í útvarpstíðindunum: