Oljan kostar nú 116 dollarar fyri tunnuna

Oljuprísurin hækkaði aftur í dag, og er nú farin upp um 116 dollarar fyri tunnuna eftir útsagnir frá Donald Trump, forseta,  og Houthi-álop á Ísrael.

Marknaðurin stúrir fyri, at kríggið í Miðeystri kann breiða seg. 

Donald Trump segði við Financial Times í gjár at hann "fer at taka oljuna í Iran" og fer at taka Kharg-oynna, sum handfer meiri enn 90 prosent av oljuútflutnnginum úr  h Iran. Trump samanbar ætlanirnar við álopið í Venesuela, har amerikanskir hermenn tóku forsetan, Nicolas Maduro. 

Houthi-uppreitrarbólkurin í Jemen legði seg út í kríggið, tá teir leygardagin skutu eftir Ísrael. Stúrt verður fyri, at Houthi fer at steingja Bab al-Mandab sundið, sum knýtir Reyðahavið til altjóða siglingarleiðir.