- Tíðindi, mentan og ítróttur
MSC fer ikki at halda mentan og siðaarv vera nóg góða grundgeving
MSC fer ikki at halda mentan og siðaarv vera nóg góða grundgeving
MSC-góðkenning er treytað av, at ICES eftirmetir og góðkennir umsitingarætlanina
Durita í Grótinum er stjóri í Faroe Islands Sustainable Fisheries.
17.07.2026 - 09:53
Durita í Grótinum, stjórin í Faroe Islands Sustainable Fisheries væntar ikki, at ICES og MSC halda mentan og siðaarv vera góðar grundgevingar fyri at ganga ímóti umsitingarætlanini fyri okkara fiskiskap.
Tað sigur hon, nú Bárður á Steig Nielsen, landsstýrismaður í uttanríkis- og fiskivinnumálum, hevur gjørt greitt, at hann stendur fast við sína ætlan um at lata útróðrarbátunum í bólki 5B fleiri fiskidagar.
Bárður á Steig Nielsen sigur, at atlitið at verju av føroyskari mentan og siðaarvi vigar nógv í grundgevingunum.
Bárður á Steig Nielsen.
Royna at fáa ICES at góðkenna umsitingarætlanina
FISF varðar av MSC-góðkenningini av millum annað upsanum, og har arbeiða tey av dýrastu makt fyri at fáa altjóða havgranskingarfelagsskapin, ICES, at góðkenna umsitingarætlanina, sum føroyska fiskiveiðan verður stýrd eftir.
MSC-góðkenningin er treytað av, at ICES eftirmetir og góðkennir umsitingarætlanina.
Vónir eru um, at eftirmetingin verður liðug í heyst, og at umsitingarætlan verður góðkend, men Durita í Grótinum væntar ikki, at grundgevingarnar hjá landsstýrismanninum um mentan og siðaarv hjálpa til við at sannføra ICES.
Hoyr innslag í útvarpstíðindunum:
17072026_Durita
Er kopiera
Nýggjastu sendingar í ÚV
Nýggjastu sendingar í SV
