Sleppa nú á Flemish Cap

Føroyingar eiga 3.433 tons av toski á Flemish Cap tað, sum eftir er av hesum árinum.

Tað eru 614 tons meira enn í fjør.

Kunngerðin, sum skipar fiskiskapin í Flemish Cap, er nú lýst og komin í gildi.

Talan er um egnar kvotur hjá føroysku skipunum. 

Tey skip sleppa at fiska, sum í fjør høvdu rætt til til egna árskvotu av toski á Flemish Cap ella tey, sum hesin rættur er fluttur til. 

Stór kvota

Hetta er næst størsta toskakvotan, síðan fiskiskapurin á Flemish Cap byrjaði aftur í 2010. 

Á Grand Bank hava Føroyar góð 80 tons av toski til 15. apríl.

Tað er felagskvota.

Kvoturnar av svartkalva og kongafiski eru tær somu í ár sum tær vóru í fjør, ávikavist 187 tons og 69 tons.