Biðja um tilboð upp á vøruflutning hjá almennum stovnum

Gjaldstovan biður nú um tilboð upp á vøruflutning hjá almennum stovnum til Føroya.

Talan er um 80 stovnar.

Teir stovnar, sum flyta flestu vørur til Føroya, eru Rúsdrekkasølan, Almannaverkið, Landssjúkrahúsið, Landsverk, Kringvarpið, Suðuroyar sjúkrahús, Heilsufrøðisliga starvstovan, Umhvørvisstovan, Fróðskaparsetrið og Tjóðsavnið.

Tað mesta flutt sjóvegis

Í 2024 kostaði flutningurin 8,3 mió. kr. Nógv tað mesta, 7,4 milliónir, var fyri sjóvegis flutning.

Flogfarmur kostaði 400.000 kr., 300.000 kr. fóru til tollavgreiðslugjøld og vøruhotell kostaðu 200.000 kr. 

800 tollavgreiðslur vóru í 2024.

Gjaldstovan vil hava trý ára rammusáttmála.

Kjarnuuppgávan er at vera tænastuveitari hjá landsins stovnum, tá teir hava bruk fyri flyta vøru til Føroya.