Talvlandsliðið endaði við javnleiki ímóti Kosovo

Føroyar settu punktum í dag við javnleiki 2 - 2 móti Kosovo í ellinta og seinasta umfari á talvolympiaduni í Usbekistan. Heiðurligt úrslit, tí Kosovo var styrkismett nummar 82 - Føroyar 107.

Føroyar vunnu við hvíta fólkinum, og taptu við svarta fólkinum. Luitjen Akselsson Apol og Jón í Horni Nielsen vunnu - hin fyrr nevndi í stórum stíli í flottum talvi - og John Rødgaard og Elias Petersen taptu, skrivar Talvsambandið.

Føroyingarnir endaðu loksins nummar 109 í røðini av teimum 206 londunum í kappingini. Tað samsvaraði væl við stykismetingina sum nummar 107. 

Føroyar vunnu fimm dystir, taptu  fimm, og telvaðu ein javnan. Vit fingu 11 stig (dystarstig) og 19 borðstig.

Usbekistan vann talvolympiaduna við 20 stigum frammanfyri India og USA, sum fingu 18 stig.

Føroyar - Kosovo, 2-2

Luitjen Akselsson Apol (2305) - IM Nderim Saraci (2453) 1 - 0
IM John Rødgaard (2250) - Endrit Uruci (2312) 0 - 1
Jón í Horni Nielsen (2078) - Muhamet Asllani (2229) 1 - 0
Elias Petersen (2075) - Bard Avdiu (2147) 0 - 1

Samanumtøka

Føroyar høvdu ikki sínar sterkastu telvarar við á Olympiaduni, og tað sást aftur ímóti sterkaru liðunum, men sum heild stóðu ungu telvararnir seg toluliga væl. Luitjen Akselsson Apol var hægst styrkismettur og var eisini føroyskur toppskjútti við hálvumsætta stigi av 11.

Dystirnir hjá Føroyum:

Føroyar - Týksland 0 - 4
Føroyar - Cayman Islands 2½ - 1½
Føroyar - Peru 0 - 4
Føroyar - Surinam 3 - 1
Føroyar - Ný Sæland ½ - 3½
Føroyar - Mauritania 3½ - ½
Føroyar - Uruguay 2½ - 1½
Føroyar - Meksiko ½ - 3½
Føroyar - Haiti 3½ - ½
Føroyar - Kosovo 2 - 2

Spælaraúrtøkan

1. Luitjen Akselsson Apol (2305) 5½/11 (+4)
2. IM John Rødgaard (2250) 4½/10 (-13)
3. Jón í Horni Nielsen (2078) 3½/9 (+2)
4. Elias Petersen (2075) 4/9 (-6)
5. Rókur Davidsen (1988) 1½/5 (-16)