Trump: Ferðin hjá amerikonsku sendinevndini er avlýst

Amerikonsku sendimenninir, Steve Witkoff, og versonur forsetans, Jared Kushner, fara kortini ikki til Pakistan, sum er meklari í friðarroyndunum millum USA og Iran.

Í gjárkvøldið vóru boðini úr Hvítu Húsunum, at teir báðir sendimenninir skuldu til Pakistan at hitta iranska uttanríkisráðharran, men ferðin hjá teimum er nú avlýst.

Tað sigur amerikanski forsetin, Donald Trump, við amerikanska miðilin, Fox News.

- Vit hava øll kortini í hondini, legði Trump, forseti, afturat.

Iranski uttanríkisráðharrin, Abbas Araghchi, sum skuldi hitta pakistanska herovastan og pakistanska uttanríkisráðharran, er sostatt farin úr Pakistan uttan at hitta amerikonsku sendinevndina, skrivar AP tíðindastovan.

Iran hevur frammanundan noktað at fara undir friðarroyndir við USA, sum støðan er.

Amerikanski forsetin, Donald Trump, hevur longt vápnahvíldina millum londini í óavmarkaða tíð.