Norðurlendskur umhvørvisfilmur frumsýndur í Løkshøll

Í kvøld verður filmurin "Eldurin, vatnið, jørðin, luftin" frumsýndur í Løkshøll í Runavík.

Filmurin er um umhvørvisbroytingar í fýra norðurlendskum lokalsamfeløgum í Danmark, Svøríki, Noregi og í Føroyum.

Umhvørviskreppa merkist í gerandisdegnum, og týdningarmesta tilbúgvingin er grannalagið. 

Filmurin, sum er ein kreativur heimildarfilmur, er samstarv millum fýra leikstjórar.

Føroyski leikstjórin er Rógvi Rasmussen, og hann vitjaði í Morgunsendingini í morgun:

Rógvi Rasmussen

Eftir sýningina verður orðaskifti undir heitinum "Hvat nú?" millum Ingilín D. Strøm, fyrrverandi landsstýriskvinnu í umhvørvismálum, Eyðdis Hartmann Niclasen, landsstýriskvinnu í heilsu- og orkumálum, og Biritu F. Kjærbæk, næstforkvinnu í Føroya Náttúru- og umhvørvisverndarfelag, FNU. 

6. mai verður filmurin sýndur í Havnar Bio.